曾主持無綫《體育世界》的藝人李思雅（Cindy），早前帶11歲愛犬Quirky到元朗區某動物醫院檢查牙齒，獸醫提議狗狗剝17隻牙，結果術後Quirky完全失去視力，本來好動的小狗頓變失明！事後李思雅深感自責，在社交平台呼籲飼主小心選擇獸醫診所。
李思雅表示，她原本只是帶Quirky去睇牙，獸醫卻指狗狗腎有事需吊鹽水，要她買下一堆配方糧，又稱Quirky可能要剝牙：「總之未剝牙就已經要你洗一筆錢，之後剝牙再逐隻計！」原來《東張西望》也曾報道這間醫院，是「搶錢及醫死狗」的黑店。
直至Quirky被全身麻醉洗牙後，獸醫才確認要剝幾多隻牙：「麻醉左隻狗狗佢要我即時決定要幫佢剝17隻牙，又話有啲人就係嫌貴唔捨得剝咁多隻，搞到之後又要再麻醉隻狗多一次，即係辛苦多一次。」李思雅情急下選擇相信醫生，最終Quirky被剝17隻牙，剩餘上顎4隻。
李思雅大嘆Quirky手術前可跟她行山，視力正常，術後卻雙目全盲。她諮詢醫學界朋友後，懷疑Quirky是剝牙後失血過多，體溫過低，導致眼的神經視網膜受損失明。
事件讓李思雅非常難過內疚，提醒飼主一定要小心選擇動物醫院：「我真係好唔安樂…我唔知道剝牙可以搞到咁嚴重，以為只係小事，冇再去多幾間寵物醫院查詢，點知睇咗間黑店，可能根本就唔需要剝17隻牙。」
