從冬陰功到軟殼蟹 太子金泰子泰國餐廳

天氣又濕又熱,真係0胃口,本身諗住食少啲,順便當減肥,但嚟到太子嘅金泰子泰國餐廳,由一碗冬陰公開始,我就跌落開胃嘅漩渦,酸酸辣辣嘅泰國菜真係令人食欲大增,最後叫埋咖喱軟殼蟹,真係夠晒滿足。

冬陰公海鮮湯
好細心用咗小蠟燭讓冬陰公海鮮湯一直keep住溫度,食到尾都仲有溫熱嘅湯。冬陰公海鮮湯嘅酸辣比例啱啱好,充滿層次。至於海鮮有蝦同青口,除咗增加冬陰功嘅鮮甜味,啲海鮮亦已預先拆晒殼,所以食嘅時候更方便。

〈好食〉從冬陰功到軟殼蟹 太子金泰子泰國餐廳

酸辣鳳爪
酸酸辣辣令人非常開胃,所以除咗冬陰功之外,叫多個店員推薦嘅酸辣鳳爪啦!酸辣鳳爪嘅醬汁係金泰子泰國餐廳自家調製,鳳爪索晒醬汁,爽口彈牙,味道先酸後辣,非常惹味。

〈好食〉從冬陰功到軟殼蟹 太子金泰子泰國餐廳

馬拉盞炒通菜
食泰國菜嘅綠色選項又點少得馬拉盞炒通菜呢?金泰子泰國餐廳選用嘅通菜源產係泰國,通菜夠晒爽脆,而馬拉盞當然係呢個餸嘅靈魂,鹹香提升。

〈好食〉從冬陰功到軟殼蟹 太子金泰子泰國餐廳

招牌咖喱軟殼蟹
招牌咖喱軟殼蟹係金泰子泰國餐廳嘅招牌菜,咖喱汁微辣,但醬汁帶有蛋同蟹膏,所以醬汁非常香濃,而略帶鮮甜味。軟殼蟹即叫即炸,所以外皮非常香脆,而肉質仍保持嫩滑。絕配當然唔少得蒜蓉包,加上大量嘅咖喱醬,邪惡得嚟又令人食唔停口。

〈好食〉從冬陰功到軟殼蟹 太子金泰子泰國餐廳

Latest news

這樣做,看YouTube沒廣告!只要關掉「1功能」...

覺得YouTube廣告很煩嗎?討厭看廣...

西方武器首次打入俄羅斯境內! 烏軍擊毀俄導彈系統

烏克蘭軍方3日表示,他們利用西方國家提...

美12歲男童「開槍射胸口」殺掉14歲哥哥 報案稱:...

美國一名12歲男童被指控在紐約市布魯克...

林庭謙遭爆劈腿「逼小三墮胎」! 正宮李芷霖疑情傷突...

目前效力中國CBA聯賽天津男籃的林庭謙...

Must read

You might also likeRELATED
Recommended to you

喜歡我們的文章嗎?按個讚吧!

關 閉 視 窗
搜尋